म. टा. विशेष प्रतिनिधी, नवी दिल्ली: ‘मला फार काळ तुरुंगात ठेवता येणार नाही. मी लवकरच परत येईन आणि माझे वचन पूर्ण करीन,’ अशा शब्दांत दिल्लीचे मुख्यमंत्री अरविंद केजरीवाल यांनी शनिवारी आम आदमी पक्षाच्या कार्यकर्त्यांना धीर देण्याचा प्रयत्न केला. सक्तवसुली संचालनालयाच्या (ईडी) कोठडीत असताना केजरीवाल यांनी पाठवलेला संदेश त्यांच्या पत्नी सुनीता यांनी शनिवारी प्रसृत केला.
‘उत्पादन शुल्क धोरणाशी संबंधित मनी लाँडरिंग प्रकरणात राउज एव्हेन्यू न्यायालयाने शुक्रवारी केजरीवाल यांना २८ मार्चपर्यंत ‘ईडी’ कोठडीत पाठवले. या पार्श्वभूमीवर केजरीवाल यांचा संदेश वाचून दाखविणारी सुनीता यांची चित्रफीत ‘आप’ने शनिवारी प्रसारित केली. ‘तुरुंगात असो किंवा तुरुंगाबाहेर, माझ्या जीवनाचा प्रत्येक क्षण देशसेवेसाठी समर्पित आहे. माझ्या रक्ताचा प्रत्येक थेंब देशासाठी समर्पित आहे,’ असा संदेश केजरीवाल यांनी दिल्याचे सुनीता यांनी नमूद केले. ‘भारताला जगातील सर्वांत शक्तिशाली आणि पहिल्या क्रमांकाचा देश बनवण्यासाठी पुन्हा एकदा एकत्र यावे लागेल,’ असे केजरीवाल यांनी संदेशात म्हटले आहे.
केजरीवाल तुरुंगात असल्याने आता आपल्याला हजार रुपये मिळतील की नाही, असा विचार दिल्लीतील महिला करीत असतील. मात्र, त्यांनी त्यांच्या भावावर, त्यांच्या मुलावर विश्वास ठेवावा. तुमचा भाऊ, तुमचा मुलगा लोखंडाचा बनलेला आहे, खूप मजबूत आहे. कोट्यवधी लोकांचे आशीर्वाद हीच माझी ताकद आहे.
– अरविंद केजरीवाल, आप कार्यकर्त्यांना लिहिलेल्या पत्रात
मविआकडून श्रीमंत शाहू महाराजांना उमेदवारी, राजू शेट्टी म्हणतात; छत्रपतींविरोधात…
‘आप’चा होळी उत्सव रद्द
केजरीवाल यांच्या अटकेच्या निषेधार्थ ‘आप’ यंदा होळी उत्सव साजरा करणार नाही. आज, रविवारी दिल्ली व पंजाबच्या सर्व विधानसभा मतदारसंघांत पंतप्रधान नरेंद्र मोदी यांच्या पुतळ्याचे दहन करण्यात येणार आहे. मंगळवारी २६ मार्च रोजी पंतप्रधानांच्या निवासस्थानाला घेराव घालण्यात येईल,’ असे पक्षाचे ज्येष्ठ नेते गोपाल राय यांनी सांगितले.
इलेक्टोरल बॉण्डच्या मुद्द्यावरून लक्ष विचलित करण्यासाठी अरविंद केजरीवालांवर कारवाई, सर्वसामान्यांना शंका
उच्च न्यायालयात याचिका
नवी दिल्ली : अरविंद केजरीवाल यांनी अटकेविरोधात शनिवारी उच्च न्यायालयात याचिका दाखल केली. या याचिकेवर लवकर सुनावणी घेण्याची मागणी पक्षाने केली आहे. केजरीवाल यांनी शुक्रवारी सर्वोच्च न्यायालयातून याचिका मागे घेतली होती.
जर्मनीला फटकारले
नवी दिल्ली : अरविंद केजरीवाल यांच्या अटकेबद्दल टिप्पणी करणाऱ्या जर्मनीला भारताने शनिवारी फटकारले. जर्मनीच्या राजदूतांना पाचारण करून भारताने देशांतर्गत घटनेवर जर्मनीची विधाने अनावश्यक, अस्वीकारार्ह असल्याचे स्पष्ट केले.
>>> Read full article>>>
Copyright for syndicated content belongs to the linked Source : The Times of India – https://marathi.indiatimes.com/india-news/cm-arvind-kejriwal-letter-to-aam-aadmi-party-office-bearers-from-ed-custody/articleshow/108742406.cms
