Kanë kaluar mbi pesë vjet nga dasma madhështore e çiftit mbretëror Meghan dhe Harry! Një ceremoni e jashtëzakonshme që u mbajt në 19 maj të vitit 2018 në Windsor, teksa e gjithë ngjarja mori vëmendjen absolute mediatike, por jo vetëm! Të shumtë në numër ishin dashamirësit e çiftit mbretëror që ndoqën nga afër ditën e dasmës së Meghan dhe Harry, e që duket se vlerësuan çiftin jo vetëm me prezencën e tyre, por edhe me dhurata të ndryshme.
Jo vetëm njerëzit e zakonshëm, por edhe kompani të ndryshme nga e gjithë bota dërguan asokohe dhurata të ndryshme në adresë të çiftit të famshëm, por tani është bërë e ditur se këto dhurata janë kthyer mbrapsht me pretendimin e shkeljes së protokollit mbretëror.
Një nga arsyet e forta pas këtij vendimi është elementi i sigurisë, pasi anëtarët e familjes mbretërore nuk mund të pranojnë asnjë dhuratë nga njerëzit e zakonshëm apo kompani të ndryshme. Në vend të kësaj, sipas një deklarate zyrtare të dërguar para dasmës, dashamirësit që donin të dërgonin një dhuratë duhej ta bënin këtë duke e çuar në adresën e Pallatit Kensington, ku ishin zyrat e Harry dhe Meghan në atë kohë.
Chris Jackson/Getty Images
“Një tjetër arsye, është se ndihmësit e pallatit mbretëror duan të parandalojnë mundësinë që njerëzit apo kompanitë mund të shfrytëzojnë Meghan dhe Harry-n për reklama të produkteve apo shërbimeve të tyre përmes këtyre dhuratave për çiftin e famshëm,” cilëson The Mirror.
Shifra e dhuratave është marramendëse: gati 8 milionë euro.
Ky nuk është vetëm një rregull për Harry-n dhe Meghan, por një standard për të gjithë familjen mbretërore: asnjë anëtar nuk lejohet të pranojë dhurata që mund të shihen si reklama.
Parimi themelor që rregullon çështjen e dhuratave për anëtarët e familjes mbretërore është se ata nuk duhet të pranojnë asnjë çmim ose shërbim, që i vendos anëtarët e familjes mbretërore nën një detyrim ndaj donatorit, theksohet në udhëzimet zyrtare.
|
>>> Read full article>>>
Copyright for syndicated content belongs to the linked Source : DoraMagazine – https://doramagazine.com/pse-meghan-harry-u-detyruan-te-kthenin-mbrapsht-dhuratat-e-dasmes-me-vlere-8-milione-euro/
