Qeni, miku më i mirë i grave! Mund ta pohojmë si shprehje sidomos pas rezultateve të këtij studimi. Qentë kanë më shumë gjasa të dëgjojnë gratë sesa burrat për një arsye befasuese, zbuloi një studim i ri i botuar në revistën “Communications Biology”.
Gjatë kryerjes së një sërë skanimesh të trurit tek qentë e stërvitur, studiuesit me bazë në universitetin “Eotvos Loránd” në Hungari gjetën ngjashmëri midis trurit të qenve dhe trurit të një foshnjeje, ndërkohë që të dy po përpunonin të folurin me intonacione të ekzagjeruara.
Rezultoi se ritmi dhe intonacioni i përdorur tek bebet që kanë kufizime gjuhësore (nuk flasin dot) funksionon po aq mirë edhe te kafshët shtëpiake.
Për më tepër, truri i qenve u përgjigj më shumë kur folësit ishin gra, thuhej në raport.
Studimi është i pari i këtij lloji që ofron prova se qentë janë në të vërtetë të ndjeshëm ndaj mënyrës me të cilën njerëzit flasin me ta.
Studimi nga universiteti “Eotvos Loránd”
“Studimi se si truri i qenve përpunon fjalët me intonacione apo ritëm të ekzagjeruar mund të na ndihmojë të kuptojmë se si e gjithë kjo kontribuon në përpunimin efikas të të folurit në specie jo njerëzore të afta për t’u mbështetur në shenja të ndryshme të të folurit (ndjekja e komandave verbale).
Duke përdorur një fMRI (imazhe funksionale të rezonancës magnetike), ekspertët matën aktivitetin e trurit të qenve të trajnuar dhe të vetëdijshëm të familjes, ndërsa ata dëgjonin fjalimin drejtuar qenve, foshnjave dhe të rriturve mes tyre 12 gra dhe 12 burra në ndërveprime në jetën reale.
Studimi zbuloi se rajonet dëgjimore në trurin e qenve reaguan më shumë ndaj të folurit të drejtuar nga qentë dhe foshnjat sesa ndaj të folurit normal, të drejtuar nga të rriturit , duke shënuar dëshminë e parë nervore që truri i qenve është më i përshtatur me fjalimin e drejtuar posaçërisht ndaj tyre.
“Ajo që e bën këtë rezultat interesant është se te qentë, në krahasim me foshnjat, kjo ndjeshmëri nuk mund të shpjegohet as nga reagimi i lashtë ndaj sinjaleve specifike ose nga ekspozimi ndaj zërit të grave”, tha Anna Gábor, bashkëautore e parë e studimit.
“Ndjeshmëria e shtuar e trurit të qenve ndaj të folurit të drejtuar nga qentë e folur nga gratë në mënyrë specifike mund të jetë për shkak të faktit se gratë më shpesh u flasin qenve me ritëm dhe intonacion më të ekzagjeruar sesa burrat”, përfundon Gábor./doramagazine
|
>>> Read full article>>>
Copyright for syndicated content belongs to the linked Source : DoraMagazine – https://doramagazine.com/qente-degjojne-me-shume-grate-se-burrat-ja-pse/
