Lidhja mes trurit dhe stomakut është shumë e fortë dhe ndikimi po aq i madh.
Kur vjen çështja te depresioni, trajtimet me barna konsiderohen një zgjidhje optimale, por kjo nuk e zhbën rëndësinë e ushqimeve, sidomos atyre që na rikthejnë gazin e harenë. Disa ushqime të caktuara kanë tendencën të nxisin prodhimin e serotoninës dhe endorfinës, të cilat njihen ndryshe si hormonet e lumturisë.
Depresioni shkaktohet nga disa faktorë. Ai mund të jetë gjenetik, të nxitet nga një ngjarje specifike siç është vetmia, apo stili i jetesës. Mbi të gjitha, depresioni shfaqet kur truri nuk është i shëndetshëm.
Një ushqyerje e keqe e përkeqëson depresionin, sepse nuk mundëson ushqyesit e duhur për trurin. Ushqimet e skuqura dhe të përpunuara nxisin inflamacionin, një nga shkaqet e depresionit. Ushqyerja e keqe ka ndikim negativ edhe tek miliarda mikroorganizma që jetojnë në stomak.
Këto mikroorganizma tjetërsojnë prodhimin e serotoninës, një transmetues nervor që gjendet në tru.
Komunikimi mes stomakut dhe trurit është shumë kompleks dhe ndikimi në humorin tonë është i fortë.
Nëpërmjet ushqimit, njeriu mund të përmirësojë nivelin e baktereve të mira në stomak dhe rrjedhimisht ta mbajë trurin të lumtur.
Produktet e mëposhtme ju ngrejnë humorin dhe zbusin simptomat e këtij çrregullimi mendor.
Vitamina C
Kjo vitaminë është shumë e rëndësishme për shëndetin në përgjithësi dhe trurin në veçanti.
Ajo është përgjegjëse për sintetizimin e transmetuesve nervorë dhe luftimin e radikaleve të lira të cilat nxisin inflamacionin.
Acidi folik
Në këtë rast, kemi të bëjmë me të ashtuquajturën vitamina B9 e cila ndihmon në rritjen e niveleve të serotoninës.
Tritpofani
Kemi të bëjmë me një amino acid të dobishëm i cili ofron një qetësim natyral të trurit dhe ndihmon në prodhimin e serotoninës.
Acidet yndyrore Omega-3
Këto acide të dobishme që gjenden tek arrorët dhe produktet e peshkut mirëmbajnë qëndrueshmërinë mendore, përmirësojnë përqendrimin dhe pengojnë shfaqjen e depresionit.
Mineralet
Mineralet si kalçiumi dhe magnezi janë të dobishëm kundër depresionit sepse ndihmojnë në prodhimin e transmetuesve nervorë.
Kaliumi
Ky mineral është i dobishëm sepse qetëson sistemin nervor, e bën njeriun më pak të acaruar dhe Lufton depresionin.
Ushqimet më të mira kundër drepresionit janë: barishtet e egra, arrorët, farat, kakaoja, vezët, avocado, agrumet, kosi, fasulet dhe drithërat e plota.
Ju duhet të shmangni ushqimet e shpejta, të përpunuara dhe ato të pasura me kripë apo sheqer.
>>> Read full article>>>
Copyright for syndicated content belongs to the linked Source : DoraMagazine – https://doramagazine.com/regjimi-ushqimor-qe-nxit-humorin-dhe-ju-ben-te-lumtur/