Vjeshta na sjell ndërmend edhe ushqimet e ngrohta, që gjatë verës nuk ishin dhe aq prezente në menunë e gatimeve të përditshme. Supat janë ndër ushqimet që rekomandohen më shumë në këtë stinë kur temperaturat janë ulur paksa dhe virozat qarkullojnë kudo. Qoftë me perime, apo me mish pule, supat janë padyshim jo vetëm të shijshme por edhe shumë të shëndetshme. Ato ofrojnë shumë vlera të rëndësishme për të gjithë organizmin duke plotësuar shumë nevoja për ushqyes. Ju japim më poshtë një recetë, që njihet si:
Receta e Supës shumëngjyrëshe
Përbërësit:
2-3 karrota të pastruara dhe të copëtuara
3 patate mesatare
3 presh të larë e të prerë në copa
Një lugë gjalpë të freskët (sipas dëshirës)
Një lugë gjelle vaj ulliri
Koncentrat pule
1 lugë gjelle oriz ose një grusht me makarona të vogla
8 filxhanë ujë
Kripë, piper dhe limon
Përgatitja:
Qërojini perimet dhe prijini në copa të vogla.
Vendosni tenxheren në zjarr dhe hidhni gjalpin.
Kur ai të jetë nxehur hidhini të gjitha perimet dhe kavërdisini lehtë për 2 minuta.
Më pas shtoni ujin dhe koncentratin e mishit të pulës.
Sasia e ujit është e tëra në varësi të preferencës.
Nëse dëshironi që supa të jetë e trashë shtoni më pak ujë.
Përziejini të gjithë përbërësit me lugë druri dhe lërini të ziejnë.
Uleni temperaturën dhe sigurohuni që perimet të ziejnë ngadalë për 35 minuta.
10 minuta përpara zierjes përfundimtare shtoni orizin ose makaronat dhe mbylleni kapakun.
Kontrollojeni supën për kripë. Shtoni sipas dëshirës dhe plotësojeni supën me piper e erëza të tjera sipas dëshirës suaj.
Kur ta servirni, shtoni pak lëng limoni.
|
>>> Read full article>>>
Copyright for syndicated content belongs to the linked Source : DoraMagazine – https://doramagazine.com/supa-e-vjeshtes-ju-prezantojme-me-nje-recete-te-thjeshte-por-me-shume-vlera-ushqyese/
